Учаскелік инспектормен кездесу

22 сәуірде 5-11 сынып оқушыларымен учаскелік инспектор А.К. Ақжанов профилактикалық әңгіме өткізді. Инспектор өз әңгімесінде ұрлық, тонау, бопсалау, дене жарақатын келтіру, мотоциклмен жүру сияқты қылмыстар жасағаны үшін жауапкершілік мәселесіне тоқталды. Жас өспірімдерге қай жастан бастап қылмыстық жауапкершілік жүктелетіні және қылмыс жасағаны үшін қандай жазалар қолданылатыны түсіндірілді. Инспектор көшеде, қоғамдық орындарда, көпшілік демалатын орындарда мінез-құлық ережелерін сақтауды, кешкі режимді сақтауды ұмытпауды ұсынды, оқушыларға алкоголь мен темекіні тұтынудың зияны туралы еске салды, сондай-ақ бұл жаман әдеттердің қауіпті екенін түсіндірді.

Әңгіме барысында балалар өздерін қызықтырған сұрақтарын қойып, инспектордың сұрақтарына жауап берді.